Хгэгч Л-ийн үнэтэй гар утсыг авахын тулд хоолойг нь боож унагасан бөгөөд үүний улмаас Л-ийн эрүүл мэндэд хүнд хохирол учирсан байна. Х ямар гэмт хэрэг үйлдсэн вэ?

Энэ тохиолдолд этгээд нь бусдын эд хөрөнгийг авах зорилгоор амь нас, эрүүл мэндэд нь хүч хэрэглэн довтолсон тул дээрэмдэх гэмт хэргийн шинжийг бүрэн хангаж байна.

Мөн тухайн хүч хэрэглэсэн үйлдлийн улмаас хохирогчийн эрүүл мэндэд хүнд хохирол учирсан нь тусдаа бие даасан гэмт хэргийн шинжийг агуулж байгаа тул уг үйлдлүүдийг гэмт хэргийн нийлмэлээр зүйлчилж, дээрэмдэх болон хүний эрүүл мэндэд хүнд хохирол санаатай учруулах гэмт хэрэг үйлдсэн гэж үзнэ.