Шинэ жилээр өмсөх даашинз А захиалсан ба Б 2017 оны 12 дугаар сарын 25-ны өдөр бэлэн болгох ёстой байжээ. Захиалга их байсан тул Б нь 12 дугаар сарын 28-ны өдөр даашинзыг А-д хүлээлгэн өгчээ. А нь 12 дугаар сарын 25-нд дэлгүүрээс даашинз худалдан авч шинэ жилдээ оржээ. А-д ямар шаардах эрх байна вэ?

Үүрэг гүйцэтгэгч нь гэрээгээр тохиролцсон хугацаанд үүргээ биелүүлээгүй бол үүрэг гүйцэтгэх хугацааг хэтрүүлсэнд тооцогдоно. Энэ тохиолдолд захиалагч А болон гүйцэтгэгч Б нарын хооронд даашинзыг 12 дугаар сарын 25-ны өдөр бэлэн болгохоор тохирсон боловч Б хугацаандаа хүлээлгэн өгөөгүй тул үүргийн зөрчил үүссэн байна.

Үүрэг гүйцэтгүүлэгчийн хувьд тодорхой цаг хугацаанд (шинэ жилийн баярт) ашиглахаар захиалсан тул гүйцэтгэгчийн хугацаа хэтрүүлснээс шалтгаалан өөр даашинз худалдан авахаас өөр аргагүйд хүрсэн байна. Иймд үүрэг гүйцэтгүүлэгч А нь үүрэг гүйцэтгэх хугацаа хэтрүүлснээс өөрт учирсан хохирлыг арилгуулахаар Б-ээс шаардах эрхтэй.