А нь Б-ийн орон сууцыг 2015 оны 01 дүгээр сарын 01-ний өдрөөс 2020 оны 07 дугаар сарын 01 хүртэлх хугацаанд хөлсөлж, гэрээний үүргээ зохих ёсоор биелүүлж байсан байна. Б нь А-тай байгуулсан гэрээний хугацаа 2020 оны 07 дугаар сарын 31-ний өдрөөр тасалбар болж дуусах тул өөрийн найз В-д энэхүү орон сууцаа худалдахаар болсон тухайгаа А-д хэлжээ. Харин А гэрээний хугацаа дуусахад орон сууцыг Б-гийн тавьсан нөхцөлөөр худалдан авах саналаа Б-д хэлсэн боловч Б зөвшөөрөөгүй байна. Энэ тохиолдолд хэрхэх вэ?

Орон сууц хөлслөх харилцаанд хөлслөгч нь гэрээгээр хүлээсэн үүргээ зохих ёсоор, үнэнч шударгаар биелүүлж ирсэн тохиолдолд тухайн хөлсөлж буй сууцаа худалдан авахад давуу эрх эдлэх үндэслэл бүрддэг. Иймд өмчлөгч орон сууцыг худалдах санал гаргах үед гэрээний үүргээ зохих ёсоор биелүүлж байсан хөлслөгч тухайн нөхцөлөөр тэргүүн ээлжид худалдан авах эрхтэй байна.

Бодлогын нөхцөлд А нь орон сууцыг урт хугацаанд хөлсөлж, гэрээний үүргээ зохих ёсоор биелүүлж ирсэн тул өмчлөгч Б-ийн бусдад худалдах гэж буй нөхцөлөөр орон сууц худалдах, худалдан авах гэрээг тэргүүн ээлжид байгуулах давуу эрхээ хадгална.