Худалдах-худалдан авах гэрээнд баталгаат хугацааг хэзээнээс эхэлж тоолох вэ?

Худалдах-худалдан авах гэрээгээр эд хөрөнгийн чанарын баталгаат хугацааг тоолохдоо худалдан авагчид тухайн хөрөнгөтэй холбоотой эрсдэл шилжсэн үеэс эхлэн тооцдог.

Эд хөрөнгийг бодитоор хүлээн авах буюу эзэмшилдээ авснаар тухайн эд хөрөнгө санамсаргүйгээр устах, гэмтэх эрсдэл худалдагчаас худалдан авагчид шилждэг бөгөөд үүнтэй зэрэгцэн баталгаат хугацааны тоолол эхлэх зарчимтай.

Учир нь худалдан авагч эд хөрөнгийг өөрийн мэдэлд авч, түүнийг зориулалтын дагуу ашиглаж, улмаар чанарын доголдол байгаа эсэхийг илрүүлэх бодит боломж нь чухамхүү эрсдэл шилжсэн тэр мөчөөс бүрддэг. Иймд худалдан авагчид эрсдэл шилжиж ирсэн үеэс баталгаат хугацааг тоолно.