Хүүгээ амжилттай суралцан тэтгэлэгт хамрагдаж чадсан тохиолдолд зөөврийн компьютер бэлэглэхээ эцэг нь амлажээ. Хүү тэтгэлэгт хамрагдаж чадсан тул эцэг нь амласан ёсоор хүүдээ компьютер худалдан авч өгчээ. Бэлэглэлийн гэрээг хэдий үеэс эхлэн байгуулагдсанд тооцох вэ?

Иргэний хуульд зааснаар бэлэглэлийн гэрээ нь эд хөрөнгийг бэлэглэгчээс бэлэг хүлээн авагчийн өмчлөлд шилжүүлснээр байгуулагдсанд тооцогддог бодит (реал) хэлцэл юм.

Хэдийгээр эцэг нь урьдчилан бэлэглэхээр амлаж, хүү нь болзол болох тэтгэлэгт хамрагдсан байсан ч бодит эд хөрөнгийг гардуулан өгөх хүртэл бэлэглэлийн гэрээ байгуулагдсанд тооцогдохгүй.

Иймд эцэг нь амласан ёсоороо зөөврийн компьютерыг бодитоор худалдан авч, хүүгийнхээ эзэмшил, өмчлөлд шилжүүлж өгсөн тэр үеэс эхлэн бэлэглэлийн гэрээ байгуулагдсанд тооцогдоно.