Ч нь нэгэн дэлгүүрийн худалдагчийг лангууныхаа доогуур бараа янзалж байх зуур худалдан авагч Б-ийн нүдэн дээр хоёр ширхэггар утас аваад зугтжээ. Ч-гийн үйлдэл нь:

Эрүүгийн хуульд зааснаар бусдын эд хөрөнгийг илээр, хүч хэрэглэхгүйгээр, хууль бусаар авах үйлдэл нь дээрэмдэх гэмт хэргийн шинжийг хангадаг. Энэ төрлийн гэмт хэргийн гол онцлог нь эд хөрөнгийн өмчлөгч, эзэмшигч болон бусад хөндлөнгийн хүмүүст тухайн хууль бус үйлдэл нь илэрхий мэдэгдэж, харагдаж байхад эд хөрөнгийг нь авч буй нөхцөл байдал юм.

Бодлогын нөхцөлд Ч нь худалдагч анзаараагүй байх үед эд зүйлийг авсан боловч хөндлөнгийн этгээд болох худалдан авагч Б-д өөрийн үйлдэл ил тод харагдаж байгааг мэдсээр байж, түүний нүдэн дээр гар утсыг авч зугтсан байна. Иймд тухайн үйлдэл нь нууц далд аргаар биш, харин ил аргаар, хүч хэрэглэхгүйгээр бусдын эд хөрөнгийг авсан гэж үзэх үндэслэлтэй тул "Бусдын эд хөрөнгийг илээр, хүч хэрэглэхгүйгээр, хууль бусаар авч дээрэмдэх гэмт хэрэг" болно.