НҮБ-ын Олон улсын шүүх улс хоорондын маргааныг хянан шалгаж, таслан шийдвэрлэх үүргийг гүйцэтгэж цөөнгүй маргааныг шийдвэрлэжээ. Шүүхийн тайлан, статистикийн мэдээлэлд улс гүрэн хоорондын маргаанаас гадна Олон улсын байгууллагын асуудлыг шийдвэрлэсэн тохиолдол байдаг. Ямар тохиолдол Олон улсын байгууллага НҮБ-ын Олон улсын шүүхэд хандах эрхтэй вэ?

НҮБ-ын Олон улсын шүүхийн дүрмийн 34 дүгээр зүйлийн 1 дэх хэсэгт зааснаар зөвхөн бүрэн эрхт улсууд л шүүхийн өмнө маргааны тал (хэргийн оролцогч) байх эрхтэй. Иймээс олон улсын байгууллага нь улстай эсхүл бусад байгууллагатай үүссэн аливаа маргаанаа тус шүүхээр шууд таслан шийдвэрлүүлэх тал болох боломжгүй юм.

Харин Олон улсын шүүхийн дүрмийн 65 дугаар зүйлд заасны дагуу НҮБ-ын дүрмээр эрх олгогдсон байгууллагууд үйл ажиллагааныхаа хүрээнд үүссэн аливаа эрх зүйн асуудлаар зөвлөмж дүгнэлт (advisory opinion) гаргуулахаар шүүхэд хүсэлт гаргах бүрэн эрхтэй байдаг.

Иймд олон улсын байгууллагын хувьд НҮБ-ын Олон улсын шүүхэд зөвхөн үүссэн асуудлаар зөвлөмж дүгнэлт гаргуулахаар хандах эрх нээлттэй байдаг тул уг хариулт зөв юм.