Эрүүгийн эрх зүй · Гэмт хэрэг үйлдэхэд ашигласан тээврийн хэрэгсэл; Хөрөнгө хураах
Ц нь хохирогч М-ын эзэмшлийн 4 ханатай монгол гэрийг хулгайлахдаа машин механизм ашиглах буюу “Портер” хөлсөлжээ. Тус автомашин олдоогүй тул мөрдөгч нь “Портер” маркийн тодорхой бус автомашиныг олж, шинжээч томилоход 1.5 сая төгрөгөөр үнэлсэн байна. Шүүх нь прокурорын саналын дагуу гэмт хэрэг үйлдэхдээ ашигласан техник хэрэгслийн үнэ 1.5 сая төгрөгийг шүүгдэгчээс гаргуулж, улсын орлого болгожээ. Шүүгдэгчээс 1.5 сая төгрөгийг төлөх боломжгүй хэмээн давж заалдах гомдол гаргасан. Зөв хариултыг олно уу?
Шинэчилсэн: 2026.09.14
- A.Гэмт хэрэг үйлдэхдээ ашигласан техник, хэрэгсэл эсхүл түүний үнийг заавал хураах учраас гомдол үндэслэлгүй
- B.Мөрдөн шалгах ажиллагааг Эрүүгийн хэрэг хянан шийдвэрлэх тухай хуульд заасан үндэслэл, журмын дагуу явуулсан гэж үзэх учраас гэмт хэрэг үйлдэхдээ ашигласан техник хэрэгслийн үнэ гэж 1.5 сая төгрөгийг шүүгдэгчээс гаргуулж, улсын орлого болгосон нь үндэслэлтэй
- C.Мөрдөн шалгах ажиллагааг Эрүүгийн хэрэг хянан шийдвэрлэх тухай хуульд заасан үндэслэл, журмын дагуу явуулсан болохыг шүүгдэгч үгүйсгээгүй, харин төлөх боломжгүй гэсэн байх тул шүүгдэгчийн гомдол үндэслэлгүй
- D.Мөрдөн шалгах ажиллагааг Эрүүгийн хэрэг хянан шийдвэрлэх тухай хуульд заасан үндэслэл, журмын дагуу явуулсан гэж үзэхгүй учраас гэмт хэрэг үйлдэхдээ ашигласан техник хэрэгслийн үнэ гэж 1.5 сая төгрөгийг шүүгдэгчээс гаргуулж, улсын орлого болгосон нь үндэслэлгүй