“Х” аймгийн Засаг даргад иргэнД-оос газар эзэмшүүлэх асуудлаар хүсэлт гаргажээ. Гэтэл тухайн асуудлыг хариуцсан мэргэжилтэн А ээлжийн амралтаа авсан гэдэг үндэслэлээр асуудлыг шийдвэрлэлгүй байсаар 2 сарын хугацаа өнгөрөөжээ. Энэ нь захиргаанаас ямар зарчмыг зөрчсөн үйлдэл вэ?

Захиргааны байгууллага, албан тушаалтан нь нийтийн ашиг сонирхлыг хамгаалах, иргэдийн эрх, хууль ёсны ашиг сонирхлыг хангах хүрээнд үйл ажиллагаагаа аливаа шат дамжлага, саад бэрхшээлгүйгээр цаг тухайд нь шуурхай, байнгын бөгөөд тасралтгүй хэрэгжүүлэх үүрэгтэй.

Тухайн асуудлыг хариуцсан албан тушаалтан ээлжийн амралтаа авсан нь захиргааны үйл ажиллагаа зогсох, иргэний гаргасан хүсэлтийг хуульд заасан хугацаанд нь шийдвэрлэхгүй байх үндэслэл болохгүй. Захиргааны байгууллага үүргээ хэвийн үргэлжлүүлж, ажлын залгамж чанарыг хангах ёстой.

Иймд мэргэжилтэн амарсан гэх шалтгаанаар иргэний хүсэлтийг 2 сарын турш шийдвэрлэлгүй орхигдуулсан нь захиргааны үйл ажиллагааны шуурхай, тасралтгүй байх зарчмыг шууд зөрчсөн үйлдэл юм.