Э нь гадаад улсаас авто тээврийн хэрэгсэл импортлон оруулж ирэн худалддаг “И” ХХК-д борлуулалтын менежерээр ажилладаг бөгөөд “И” ХХК-ийн албан бичиг, дардсыг ашиглан 85.0 сая төгрөгийн үнэ бүхий автомашиныг өөрийн нэр дээр шилжүүлэн авч, цааш нь “Г” ББСБ-ын барьцаанд тавьж, 55.0 сая төгрөгийн зээл авч хувийн хэрэгцээндээ зарцуулжээ. Э-гийн үйлдэл нь:

Энэхүү тохиолдолд Э нь компанийн албан бичиг, дардсыг ашиглан өөрийн эзэмшил, хяналтад итгэмжлэгдэн хариуцуулсан бусдын эд хөрөнгө болох 85.0 сая төгрөгийн үнэ бүхий автомашиныг хууль бусаар өөрийн нэр дээр шилжүүлэн авч, завшин хувийн хэрэгцээндээ захиран зарцуулсан байна.

Уг үйлдлийн улмаас бусдад их хэмжээний бодит хохирол учирсан тул Эрүүгийн хуульд заасан бусдад их хэмжээний хохирол учруулж хөрөнгө завших гэмт хэргийн бүрэлдэхүүний шинжийг бүрэн хангаж байна.