О нь У-с 3 адууны мах худалдан авч, үлдэх төлбөрийг удаахгүй төлөх байв. О-ын нөхөр Цаахдаа хэлжУ-ын данс руу 1.0 сая төгрөг шилжүүлсэн ч О мэдэлгүй 1.0 сая төгрөгийг У руу давхар шилжүүлжээ. У “төрсөн өдөр тэмдэглэж, 4 хоноод харьсан, утас цэнэггүй болсон тул илүү мөнгө орсон эсэхийг мэдээгүй, мөнгийг зарцуулсан, илүү мөнгийг шилжүүлсэн” тухай мэдүүлсэн нь эх сурвалжтай байх ба илүү мөнгийг 6 хоногийн дараа буюу яллагдагчаар татахаас 1 өдрийн өмнө буцаан шилжүүлсэн байв. У ямар гэмт хэрэг үйлдсэн бэ?

Энэ тохиолдолд хохирогч О худалдан авсан махны үлдэгдэл төлбөрийг өөрөө шилжүүлэхээс өмнө нөхөр нь төлснийг мэдээгүй тул 1.0 сая төгрөгийг давхар шилжүүлсэн нь алдаатай гүйлгээ юм. Ийнхүү У-ын дансанд өөрийнх нь авах ёстой төлбөрөөс илүү мөнгө андуурагдан орсон байна.

У нь уг мөнгийг өөрийнх нь биш, илүү орсон гүйлгээ болохыг мэдсээр байж өөрийн хэрэгцээнд зарцуулсан нь алдаатай гүйлгээг бусдад буцаан өгөлгүй завшсан үйлдлийн шинжийг хангаж байна.

Хэдийгээр мөнгийг хожим нь буцаан шилжүүлсэн боловч гэмт хэрэг нь өөрт хууль бусаар очсон хөрөнгийг дур мэдэн зарцуулж, захиран зарцуулсан тэр үедээ төгссөн гэж үзнэ. Иймд У-ын үйлдэл нь Эрүүгийн хуульд заасан алдаатай гүйлгээ, андуурагдсан илгээмж, гээгдэл эд хөрөнгө завших гэмт хэрэгт тооцогдоно.