Ц нь зөвшөөрөлгүйгээр ахуйн хэрэглээний зориулалтаар 80 ширхэг нойтон улиас модыг бэлтгэж, өөрийн эзэмшлийн тээврийн хэрэгслийг ашиглаж тээвэрлэсэн гэмт хэрэгт холбогджээ. Шүүх хуралдааны явцад Ц нь “машиныг зөвхөн модоо зөөвөрлөхөд ашигласан, хууль мэдэхгүйгээс л машинаараа зөөвөрлөсөн” хэмээн тайлбарласан байна. Зөв хариултыг сонгоно уу?

1. A.Хууль бусаар бэлтгэсэн модыг зөөвөрлөсөн машин механизм нь гэмт хэрэг үйлдэхэд ашигласан техник хэрэгсэлд хамаарах тул хөрөнгө, орлого хураах албадлагын арга хэмжээ авна✓ Зөв хариулт
2. B.Гэмт хэрэг үйлдэхэд ашигласан техник, хэрэгсэл гэж гэмт этгээд өөрийн үйлдлийг хөнгөвчлөх зорилгоор ашигласан машин механизмыг хэлэх тул гэмт үйлдэл төгссөний дараа эд зүйлийг зөөвөрлөхөд ашигласан тохиолдол хамаарахгүй
3. C.Гэмт хэрэг үйлдэхэд ашигласан техник, хэрэгсэл гэж галт болон хүйтэн зэвсэг, түүнтэй адилтгах гэмт хэрэг үйлдэх явдлыг хөнгөвчлөх, түргэтгэх, нуун далдлах зорилгоор ашиглаж байгаа хэрэгслүүдийг хэлэх тул машин механизм үүнд хамаарахгүй
4. D.Гэмт этгээд тухайн техник, хэрэгслийг ямар зорилгоор ашигласнаас хамаарч гэмт хэрэг үйлдэхэд ашигласан техник, хэрэгсэлд орох эсэх нь шийдэгдэх тул Ц-ийн тайлбарыг шүүх хүлээн авах үндэслэлтэй

Зөв хариулт: A. Эрүүгийн хуулийн 24.6.1-д хууль бусаар мод бэлтгэхээс гадна гарал үүслийн гэрчилгээгүй мод тээвэрлэх үйлдлийг өөрийг нь гэмт хэрэгт тооцдог. Иймд мод тээвэрлэсэн автомашин нь гэмт хэргийн гүйцэтгэлд ашигласан хэрэгсэл бөгөөд 7.5.2 дахь хөрөнгө, орлого хураах албадлагын арга хэмжээний объект болж болно. “Хууль мэдэхгүй” гэх тайлбар нь хариуцлагыг арилгахгүй.