Гэрээний хугацаа дуусаж А нь “Ц” компаниас хөлслөн ашиглаж байсан экскаваторыг хүлээлгэн өгөх гэтэл агуулах Налайх дүүрэг рүү нүүсэн тул тэнд шилжүүлэн өгөхийг хүсжээ. А нь экскаваторыг хүргэхээр Налайх дүүрэг рүү явахдаа 40.000 төгрөгөөр шатахуун хийж хүргэж өгчээ. Шатахууны зардлыг хэн хариуцах вэ?

Үүрэг гүйцэтгэх газрыг анх тодорхойлсон байршлаас өөрчилсөн, эсхүл нүүсэнтэй холбоотойгоор нэмэлт зардал үүссэн тохиолдолд уг зардлыг байршлыг өөрчилсөн тал хариуцах ерөнхий зарчим үйлчилнэ.

Энэ тохиолдолд "Ц" компанийн агуулах Налайх дүүрэг рүү нүүсний улмаас экскаваторыг буцаан хүлээлгэн өгөхөд нэмэлт зардал гарсан тул холбогдох 40.000 төгрөгийн шатахууны зардлыг үүрэг гүйцэтгэх газрыг өөрчилсөн "Ц" компани бүрэн хариуцах үүрэгтэй.