Хэсэг иргэд захиргааны хууль бус үйл ажиллагаатай тэмцье гэж нэгдэн “Богд уулаа аваръя” нэртэй төрийн бус байгууллага байгуулахаар болжээ. Ийнхүү тэд төрийн бус байгууллагаа бүртгүүлэнгүүтээ захиргааны хэргийн шүүхэд Богд уулын аманд газар ашиглаж буй иргэд, хуулийн этгээдийн эрхийг нь хүчингүй болгуулахаар захиргааны хэргийн шүүхэд нэхэмжлэл гаргасан. Шүүх нэхэмжлэлийг хүлээж авах уу?

1. A.Хүлээж авахгүй, учир нь нэхэмжлэлийн зорилго нь нийтийн ашиг сонирхолд хамааралгүй, харин газар ашиглаж буй иргэдийн эрхийн эсрэг агуулгатай байна
2. B.Хүлээж авахгүй, учир нь тус байгууллага нь дөнгөж байгуулагдсан тул нийтийн эрх ашгийг төлөөлөн нэхэмжлэл гаргах боломжгүй✓ Зөв хариулт
3. C.Хүлээж авна, учир нь тус байгууллага нийтийн эрх ашгийг төлөөлөн шүүхэд нэхэмжлэл гаргах хуулийн шаардлагыг хангасан байна
4. D.Хүлээж авна, учир нь нэхэмжлэлийн агуулга нь хүрээлэн буй орчны асуудалд хамаарч байна

Зөв хариулт: B. Захиргааны хэрэг шүүхэд хянан шийдвэрлэх тухай хуулийн 18.3.2-т нийтийн ашиг сонирхлыг төлөөлөх эрх бүхий төрийн бус байгууллага дүрмийн зорилгын дагуу сүүлийн гурваас доошгүй жил тогтвортой үйл ажиллагаа явуулсан байхыг шаарддаг. Дөнгөж бүртгүүлсэн байгууллага энэ хугацааны шаардлагыг хангахгүй.