Х нь 2023 оны 01 дүгээр сарын 22-ны өдөр, 03 дугаар сарын 08-ны өдөр, 10 дугаар сарын 15-ны өдөр, 10 дугаар сарын 18-ны өдрүүдэд гэр бүлийн хамаарал бүхий харилцаатай хүн болох өөрийн эхнэр Н-г зодсон байна. 2023 оны 03 дугаар сарын 08-ны өдөр гэр бүлийн хүчирхийлэл үйлдэх явцдаа Н-ийн цээжинд гараараа нэг удаа цохиж цээжний зүүн талд 8, 9 дүгээр хавирганы холбоосны хугарал бүхий хөнгөн хохирол учруулсан болох нь тогтоогджээ. Х-ийн үйлдэлд дүгнэлт өгнө үү?

1. A.Х-д Эрүүгийн хуулийн тусгай ангид заасан гэр бүлийн хүчирхийлэл үйлдэх гэмт хэрэг үйлдсэн үндэслэлээр эрүүгийн хариуцлага оногдуулна
2. B.Х-д Эрүүгийн хуулийн тусгай ангид заасан гэр бүлийн хүчирхийлэл үйлдэх болон хүний эрүүл мэндэд хөнгөн хохирол учруулах гэмт хэрэг үйлдсэн үндэслэлээр эрүүгийн хариуцлага оногдуулна
3. C.Х-д Эрүүгийн хуулийн тусгай ангид заасан хүний эрүүл мэндэд хөнгөн хохирол санаатай учруулах гэмт хэрэг үйлдсэн үндэслэлээр эрүүгийн хариуцлага оногдуулна
4. D.Х нь хүний эрүүл мэндэд хөнгөн хохирол учруулах гэмт хэрэг үйлдсэнээс хойш Эрүүгийн хуулийн 1.10 дугаар зүйлийн 1.1 дэх хэсэгт заасан хөөн хэлэлцэх хугацаа өнгөрсөн байх тул зөвхөн Эрүүгийн хуулийн тусгай ангид заасан гэр бүлийн хүчирхийлэл үйлдэх гэмт хэрэгт эрүүгийн хариуцлага оногдуулна✓ Зөв хариулт

Зөв хариулт: D, асуултад хөөн хэлэлцэх хугацаа түдгэлзсэн, тасалдсан өөр нөхцөл өгөөгүй гэж үзвэл. 11.6.1-ийн зорчих эрхийг хязгаарлах ялын дээд хэмжээ 3 сар тул 1.10.1.1-ийн нэг жилийн хөөн хэлэлцэх хугацаа хамаарна; 2023-03-08-ны үйлдлийн хугацаа 2026-08-10-ны байдлаар өнгөрсөн. Харин 2023 оны 1, 3, 10 дугаар саруудад удаа дараа зодсон нь 11.7 дахь “байнга” үйлдэх шинжийг хангаж болох бөгөөд 11.7.1-ийн хөөн хэлэлцэх хугацаа сүүлчийн үйлдлээс тооцогдоно.