Бизнес эрхлэгч Ц өөрийн гурилын үйлдвэрийг барилгын хамт өөрийн дунд хүүд гэрээслэн үлдээжээ. Ингэхдээ өвлүүлсэн гурилын үйлдвэрийг зөвхөн гурилын үйлдвэрээр л үргэлжлүүлэн ажиллуулахаар гэрзэсэлсэн байна. Ийм боломжтой юу?

Өв залгамжлалаар эд хөрөнгийг иргэнд шилжүүлэн өвлүүлж байгаа тохиолдолд уг хөрөнгө нь өвлөгчийн хувийн өмчлөлд бүрэн шилждэг. Өмчлөгч нь өөрийн өмчлөлийн зүйлээ хуулийн хүрээнд дур зоргоороо эзэмших, ашиглах, захиран зарцуулах эрхтэй тул иргэнд өвлүүлж буй гэрээслэлээр түүний өмчлөх эрхийг хэт хязгаарлаж, тодорхой нэг зориулалтаар ашиглахыг үүрэг болгон заах нь үндэслэлгүй юм.

Хуулийн этгээд буюу нийтийн тусын тулд зориулалт заан өвлүүлэхээс бусад тохиолдолд хувь хүнд өвлүүлсэн хөрөнгийг зөвхөн нэг үйл ажиллагаанд заавал ашиглахаар даалгах нь өвлөгчийн өмчлөх эрхийг зөрчсөн нөхцөл болдог. Иймд өвлүүлэгч хувь хүний өмчлөх эрхэд үндэслэлгүйгээр халдаж, зориулалт заах боломжгүй юм.