Прокурор Д өөрийн хяналтад байгаа хувийн нууцтай холбоотой хэргийн талаар сонинд ярилцлага өгөх явцдаа уг хэрэг нь хохирогчийн буруутай үйлдлээс гарсан гэх мэдээллийг өгсөн байна. Прокурор Д-гийн үйлдэл зөв үү?

Прокурор нь албаны чиг үүргээ хэрэгжүүлэх явцдаа олж мэдсэн хүний эмзэг мэдээлэл болон хувийн нууцад хамаарах асуудлыг чанд хадгалах үүрэгтэй байдаг. Хэрэг бүртгэлт, мөрдөн байцаалт болон өөрийн хяналтад байгаа хэргийн талаар олон нийтэд мэдээлэхдээ хүний нэр төр, алдар хүнд, хувийн нууцыг хүндэтгэх шаардлага тавигддаг.

Иймд өөрийн хяналтад байгаа хэрэгтэй холбогдуулан хүний хувийн нууцыг задруулах, хохирогчийн буруутай үйлдэл хэмээн олон нийтийн хэвлэл мэдээллийн хэрэгслээр урьдчилан мэдээлэл өгсөн нь Прокурорын ёс зүйн дүрмийн хэм хэмжээг зөрчсөн үйлдэл болно.