Татварын нөхөн ногдуулалт хийх, алданги, торгууль ногдуулах, хөнгөлөлт, чөлөөлөлт эдлэх, алдагдал шилжүүлэх, нэмэгдсэн өртгийн албан татварын ногдуулалт, төлөлтийг баталгаажуулах хөөн хэлэлцэх хугацаа хэдэн жил байх вэ?

Зөв хариулт: 4 жил

Татварын ерөнхий хуулийн 15.1-д "Татварын нөхөн ногдуулалт хийх, алданги, торгууль ногдуулах, хөнгөлөлөл, чөлөөлөлт эдлэх, алдагдал шилжүүлэх, нэмэгдсэн өртгийн албан татварын ногдуулалт, төлөлтийг баталгаажуулах хөөн хэлэлцэх хугацаа 4 жил байх" гэж шууд тогтоосон байна. Мөн Иргэний хуульд заасан хөөн хэлэлцэх хугацаа татварын хууль тогтоомжид хамаарахгүй гэдгийг тусгайлан заасан тул иргэний эрх зүйн ерөнхий хугацааг (3 жил) энэ тохиолдолд хэрэглэхгүй.

Хугацааг тоолох эхлэл нь татварын төрлөөс хамаарч ялгаатай: жилийн эцсийн тайлангийн хувьд тайлан гаргаж, татвараа төлж дууссан байх ёстой өдрийн дараагийн ажлын өдрөөс, сар, улирлын тайлангийн хувьд тухайн жилийн эцсийн тайлангийн дараагийн ажлын өдрөөс эхлэн тоолно.

Хугацаа нь татварын өр төлөх, өр хураах журам, түүнчлэн татвар төлөгчийн хүсэлтээр төлсөн татварыг буцаан олгох харилцаанд хамаарахгүй. Харин маргаан таслах зөвлөл, шүүх, хууль хяналтын байгууллагын ажиллагааны хугацаагаар хөөн хэлэлцэх хугацаа тасалдана.

Эх сурвалж: Татварын ерөнхий хууль /шинэчилсэн найруулга/, 15