Б.эртний эдлэлийн үнэ хаялцуулах дуудлага худалдаанд оролцохоор зарын дагуу заасан хугацаанд дэнчин тавьсан байна. Б дуудлага худалдаанд ялсан байна. Гэвч Б-тэй гэрээ байгуулахдаа дэнчин болон гэрээний үүргийн гүйцэтгэлийг төлөхийг шаардсан байна. Энэ үйлдэл зөв үү?

Иргэний эрх зүйн ерөнхий зарчмын дагуу дэнчин нь гэрээ байгуулагдсаныг нотлох болон гэрээгээр хүлээсэн үүргийн гүйцэтгэлийг хангах зорилготой төлбөр юм. Иймээс дуудлага худалдаанд ялж, гэрээ байгуулах эрх олж авсан талын урьдчилан төлсөн дэнчинг үндсэн гэрээний үүргийн гүйцэтгэлд оруулан тооцох үүрэг үүсдэг.

Энэ тохиолдолд дуудлага худалдаанд ялсан оролцогчоос гэрээний үүргийн бүтэн гүйцэтгэл дээр нэмж дэнчинг давхар шаардах нь хууль зүйн үндэслэлгүй бөгөөд дэнчинг худалдан авах үнэд суутган тооцох нь зөв юм.