А нь Б-г хутгалж эрүүл мэндэд хүнд хохирол учруулсан байна. Уг хохирлын улмаас Б эмнэлэгт эмчлүүлж байгаад нас баржээ. А-ын үйлдлийг зүйлчилнэ үү?

Энэхүү тохиолдолд гэмт этгээд хохирогчийн эрүүл мэндэд хүнд хохирол учруулах санаатайгаар халдсан боловч тухайн үйлдлийн улмаас хохирогч нас барсан үр дагаварт болгоомжгүйгээр хандсан байна. Өөрөөр хэлбэл, үйлдэлдээ санаатай, түүний улмаас учирсан амь хохирсон үр дагаварт болгоомжгүй хандсан гэм буруугийн холимог хэлбэр илэрч байна.

Иймд Эрүүгийн хуульд зааснаар хүний эрүүл мэндэд хүнд хохирол санаатай учруулсны улмаас хохирогч нас барсан бол уг үйлдлийг хүнийг алах гэмт хэргээр бус, хүний эрүүл мэндэд хүнд хохирол санаатай учруулах гэмт хэргийн хүндрүүлэх бүрэлдэхүүнээр зүйлчилдэг.