Хамгаалалтын албаны ажилтан Ж албан үүргээ гүйцэтгэж байх үедээ унтсаны улмаас Б гэгч байгууллагын эд хөрөнгийг хулгайлж, ноцтой хохирол учруулсан байна. Ж ямар гэмт хэрэг үйлдсэн бэ?

Эрүүгийн хуульд зааснаар бусдын эд хөрөнгийг хариуцан хамгаалах үүрэг хүлээсэн этгээд уг үүрэгтээ хайнга хандсаны улмаас бусдын эд хөрөнгө үрэгдэж, их хэмжээний буюу ноцтой хохирол учирсан бол гэмт хэрэгт тооцогддог.

Энэ тохиолдолд хамгаалалтын албаны ажилтан Ж нь тухайн байгууллагын эд хөрөнгийг хамгаалах албан үүрэг хүлээсэн тусгай субъект бөгөөд үүргээ гүйцэтгэх явцдаа унтсан нь болгоомжгүй үйлдэл (эс үйлдэхүй) буюу хайнга хандсан шинжийг агуулж байна.

Ийнхүү хамгаалалтын ажилтан үүрэгтээ хайнга хандсаны улмаас гуравдагч этгээд эд хөрөнгийг хулгайлах боломж бүрдэж, улмаар байгууллагад ноцтой хохирол учирсан тул түүний үйлдэл нь бусдын эд хөрөнгийг хамгаалахад хайнга хандах гэмт хэргийн бүрэлдэхүүнийг бүрэн хангаж байна.