A нь Б-г алах зорилгоор буудсан боловч Д-г онож, алсан байна. Энэ нь ямар гэмт хэрэг вэ?

Эрүүгийн эрх зүйн ерөнхий зарчмаар хүний амьд явах эрх нь адил тэгш хамгаалагддаг бөгөөд тухайн этгээд тодорхой нэг хүнийг алах санаа зорилготой байсан ч андуурагдаж өөр хүний амь насыг хохироосон нь гэмт хэргийн бүрэлдэхүүний үндсэн шинжийг үгүйсгэхгүй.

Энэ тохиолдолд халдлагын бай нь өөрчлөгдсөн ч гэм буруутай этгээдийн үйлдэл нь хүнийг алах гэсэн санаатай үйлдэл байсан ба бодит үр дагавар нь хүний амь нас хохирсноор илэрсэн тул уг үйлдэл бүхэлдээ "Хүнийг алах" гэмт хэргийн шинжийг хангана.