“А” их сургуулийн багш У нь өөрийн оюутан Ц-г гэр бүлийн хүчирхийлэлд өртсөн эсхүл болзошгүй байгаа тухай мэджээ. Багш У нь энэхүү мэдээллийг холбогдох байгууллага, албан тушаалтанд ямар хэлбэрээр өгөх боломжтой вэ?

Гэр бүлийн хүчирхийлэлтэй тэмцэх тухай хуульд зааснаар багш, нийгмийн ажилтан зэрэг үүрэг хүлээсэн этгээд нь гэр бүлийн хүчирхийлэл үйлдэгдсэн эсхүл болзошгүй байгаа нөхцөл байдлыг мэдсэн даруйд эрх бүхий холбогдох байгууллага, албан тушаалтанд мэдээлэх үүрэгтэй.

Ийнхүү мэдээлэл өгөхдөө хуульд тусгайлан хязгаарлалт тогтоогоогүй бөгөөд хохирогчид тусламж үйлчилгээг цаг алдалгүй, шуурхай үзүүлэх үүднээс мэдээллийг амаар, бичгээр, утсаар болон цахим хэлбэрээр холбогдох байгууллагад хүргэх бүрэн боломжтой юм.