“Г” хуулийн этгээд их хэмжээний өрөнд орж дампуурах нь тодорхой болсон тул үүсгэн байгуулагч нь компанийн газар, оффис, машин зэрэг хөрөнгийг өөрийн эхнэр, хүүхдийн нэр дээр бэлэглэлийн гэрээгээр шилжүүлсэн байна. Үүнээс хойш жилийн дараа шүүхийн шийдвэрээр “Г”- г дампуурсанд тооцож, татан буулгасан. Энэ тохиолдолд “Г” татварын өр төлөх үү?

Татварын өр төлөхөөс зайлсхийх зорилгоор татвар төлөгч өөрийн хөрөнгийг бусдад, түүний дотор хамаарал бүхий этгээд болон гэр бүлийн гишүүддээ бэлэглэх буюу үнэ төлбөргүй шилжүүлсэн тохиолдолд уг хөрөнгийг шилжүүлэн авсан этгээд татварын өрийг хариуцан төлөх үүрэг үүсдэг. Энэ нь татварын өр төлөхөөс зайлсхийх үйлдлийг таслан зогсоох, татварын өр барагдуулах суурь зарчимд нийцнэ.

Иймд татан буугдсан хуулийн этгээдийн хөрөнгийг бэлэглэлийн гэрээгээр шилжүүлэн авсан үүсгэн байгуулагчийн гэр бүлийн гишүүд тухайн шилжүүлж авсан хөрөнгийн хэмжээгээр татварын өрийг хариуцан төлөх үндэслэлтэй байна.