Төрийн өмчийн “Н” эмнэлэгт эмчлүүлж байсан 12 настай А, тус эмнэлэгт эмчлүүлж байсан 10 настай Б-тэй маргасны улмаас сувилагч Д-ийн орхиод гарсан тарианы зүүг шидэж Б-ийн нүдийг гэмтээжээ. Б-д учирсан гэм хорыг хэн хариуцан арилгах вэ?

Иргэний хуульд зааснаар насанд хүрээгүй этгээд нь сургууль, хүмүүжлийн болон эрүүл мэндийн байгууллагын шууд хяналтын дор байх хугацаандаа бусдад гэм хор учруулсан бол уг байгууллага гэм хорыг хариуцан арилгах үүрэг хүлээдэг.

Энэ тохиолдолд 12 настай А нь “Н” эмнэлэгт эмчлүүлж буюу эрүүл мэндийн байгууллагын шууд хяналтад байхдаа бусдын эрүүл мэндэд гэм хор учруулсан байна. Мөн эмнэлгийн ажилтан аюултай зүйлийг хяналтгүй орхисон нь уг зөрчил гарахад нөлөөлсөн тул гэм хорыг тухайн эрүүл мэндийн байгууллага өөрөө хариуцан арилгах үндэслэлтэй.