Хболон Y Hap нь зөвшөөрөлгүйгээр алт ухаж мөнгө олох талаар ярилцаж, метал илрүүлэх хайгуулын төхөөрөмж худалдаж авна хэмээн олон нийтийн цахим сүлжээнд зар байршуулжээ. Х болон У нарын үйлдэлд эрүүгийн хариуцлага хүлээлгэх үү?

Эрүүгийн хуульд зааснаар гэмт хэрэг үйлдэхээр санаа зорилгоороо нэгдэж, техник хэрэгсэл хайх, зар байршуулах зэргээр гэмт хэрэг үйлдэх нөхцөлийг санаатай бүрдүүлсэн нь гэмт хэрэгт бэлтгэх үе шатанд хамаарна.

Гэвч Эрүүгийн хуулийн ерөнхий ангид гэмт хэрэг үйлдэхээр бэлтгэсэн бүх үйлдэлд бус, зөвхөн хуульд тусгайлан заасан хүнд, онц хүнд гэмт хэрэг үйлдэхээр бэлтгэсэн тохиолдолд эрүүгийн хариуцлага хүлээлгэх зарчмыг хуульчилсан байдаг. Хуульд гурван жил хүртэл хугацаагаар хорих ял оногдуулахаар заасан буюу зорчих эрхийг хязгаарлах, торгох ялтай хөнгөн гэмт хэрэгт бэлтгэсэн үйлдэлд эрүүгийн хариуцлага хүлээлгэхгүй.

Иймд Х болон Y нарын хууль бусаар ашигт малтмал олборлохоор метал илрүүлэгч худалдан авах зар тавьсан үйлдэл нь хэдийгээр гэмт хэрэгт бэлтгэсэн шинжтэй боловч гурван жил хүртэл хугацаагаар хорих ял оногдуулахаар заасан гэмт хэрэгт бэлтгэсэн үйлдэл тул эрүүгийн хариуцлага хүлээлгэх үндэслэлгүй юм.