Тогтоол №8912

ХЭРГИЙН ТАНИЛЦУУЛГА: "С" ХХК нь ус ашиглах гэрээ, зөвшөөрөлгүйгээр ус ашигласан үндэслэлээр Байгаль орчин, уур амьсгалын өөрчлөлтийн яамны ахлах байцаагчаас ногдуулсан хохирлын нөхөн төлбөрийг хүчингүй болгуулах шаардлага гаргасан. АНХАН ШАТ: "С" ХХК-ийн шаардлагыг хангаж, ахлах байцаагчийн шийтгэлийн хуудсыг хүчингүй болгосон. ДАВЖ ЗААЛДАХ ШАТ: Хариуцагч байцаагч нь анхан шатны шүүхийн шийдвэрийг эс зөвшөөрч, компани нь холбогдох журмыг баримтлаагүй, гэрээ байгуулаагүй гэх үндэслэлээр шийтгэл ногдуулах боломжгүй гэсэн шүүхийн дүгнэлтийг буруу гэж үзсэн.

ҮНДЭСЛЭЛ: Хяналтын шатны шүүх нь анхан шатны шүүх нь захиргааны хэрэг шүүхэд хянан шийдвэрлэх тухай хуулийн 54 дүгээр зүйлийн 54.3.3-т заасныг зөрчсөн, тухайлбал, гомдол гаргах хугацааг хэтрүүлсэн тохиолдолд хэргийг хэрэгсэхгүй болгох журмыг хэрэглээгүй тул шийдвэрийг хүчингүй болгож, хэргийг хэрэгсэхгүй болгон, гомдлыг хүлээн авахаас татгалзаж шийдвэрлэсэн. Зөрчил шалган шийдвэрлэх ажиллагааны гомдлыг шууд шүүхэд гаргах бөгөөд хуульд заасан хугацаанд хандах ёстой. "С" ХХК нь шийтгэлийн хуудсыг хүлээн авснаас хойш хуульд заасан хугацааг хэтрүүлэн шүүхэд хандсан.