Тогтоол №8026

ХЭРГИЙН ТАНИЛЦУУЛГА: Иргэн Б.Б нь нийслэлийн Засаг даргын А/388 дугаар захирамжаар өөрийн гараашийг нураасан нь хууль бус болохыг тогтоолгож, учирсан хохирлыг гаргуулахаар шаардлага гаргасан. АНХАН ШАТ: Анхан шатны шүүх газрын хуулийн холбогдох зүйл заалтыг баримтлан нэхэмжлэлийн шаардлагыг бүхэлд нь хэрэгсэхгүй болгож шийдвэрлэв. ДАВЖ ЗААЛДАХ ШАТ: Нэхэмжлэгч нь захиргааны байгууллага нь эрх, ашиг сонирхол нь хөндөгдөж болзошгүй этгээдээс тайлбар авах үүрэгтэй байсан хэдий ч сонсох ажиллагаа хийгээгүй, мөн газрын төлбөр төлсөн баримтуудыг анхан шатны шүүх нотлох баримт болгон үнэлээгүй гэх үндэслэлээр давж заалдах гомдол гаргасан.

ҮНДЭСЛЭЛ: Давж заалдах шатны шүүх нэхэмжлэгч нь гарааш эзэмшиж, ашиглах хууль ёсны эрхийг олж аваагүй, эрх бүхий этгээдээс шийдвэр гараагүй, гэрээ, гэрчилгээгүй тул захиргааны байгууллагын үйл ажиллагаанаас эрх нь зөрчигдсөн гэж үзэх үндэслэлгүй. Газрын төлбөр төлөх, гарааш худалдаж авах нь газар эзэмших, ашиглах эрхийг үүсгэх үндэслэл болохгүй. Мөн гарааш ашиглагчийн мэдээлэл байхгүйгээс сонсох ажиллагааг хийгээгүй нь хууль зөрчсөн үйлдэл болохгүй тул анхан шатны шүүхийн шийдвэрийг хэвээр үлдээж, давж заалдах гомдлыг хангахгүй орхилоо.