Тогтоол №7668

ХЭРГИЙН ТАНИЛЦУУЛГА: Газар эзэмших эрхийн гэрчилгээг хүчингүй болгосон захирамжийг эс зөвшөөрч гаргасан гомдлоор хянан хэлэлцсэн. АНХАН ШАТ: Нэхэмжлэгчийн шаардлагыг хангаж, газар эзэмших эрхийг хүчингүй болгосон захирамжийг бүхэлд нь хүчингүй болгосон. Захиргааны ерөнхий хуулийн 24.4, Газрын тухай хуулийн 40.1.5, 40.1.6-г баримтлав. ДАВЖ ЗААЛДАХ ШАТ: Хариуцагч нь нэхэмжлэгчийг сонсох ажиллагааны талаар Захиргааны ерөнхий хуулийн 27.2.2-т заасны дагуу сонинд зарлаж, улмаар захирамжийг мэдэгдсэн тул анхан шатны шүүхийн шийдвэрийг хүчингүй болгож, нэхэмжлэлийг хэрэгсэхгүй болгохыг хүссэн.

ҮНДЭСЛЭЛ: Газар эзэмшигч нь газрыг тогтоосон зориулалтын дагуу ашиглаагүй гэх үндэслэлээр газар эзэмших эрхийг хүчингүй болгосон нь бодит байдалтай бүрэн нийцээгүй, хариуцагчийн акт хууль зүйн үндэслэлгүй тул анхан шатны шүүхийн шийдвэр хууль ёсны бөгөөд үндэслэлтэй байна. Зөвхөн нэг этгээдийн эрхийг хүчингүй болгох захирамжид Захиргааны ерөнхий хуулийн 27.2.2-т заасан олон нийтийг сонсох ажиллагааны журмыг хэрэглэх боломжгүй.