Тогтоол №7654

ХЭРГИЙН ТАНИЛЦУУЛГА: Нэхэмжлэгч нар захиргааны актын хууль бус болохыг тогтоолгох, гуравдагч этгээд нар өмнөх захиргааны акт, улмаар эрх нь зөрчигдсөнийг тогтоолгон, газар эзэмших эрх олгохоос татгалзсан эс үйлдлийг хууль бус болохыг тогтоолгож, газар эзэмшүүлэх шийдвэр гаргахыг даалгах шаардлага гаргасан. АНХАН ШАТ: Нийслэлийн Засаг даргын 2022 оны захирамжийн нэхэмжлэгч нарын эзэмшил газрын давхцсан хэсгийг хууль бус болохыг тогтоож, хүчингүй болгон, гуравдагч этгээд Л.Б-д газар олгохоос татгалзсан эс үйлдлийг хууль бус болохыг тогтоож, газар эзэмшүүлэх эрх олгохыг даалгаж, гуравдагч этгээд Г.Э, Б.Г нарын 2018 оны захирамжийн холбогдох хэсгийг хууль бус болохыг тогтоон хүчингүй болгох, газар эзэмшүүлэх шийдвэр гаргахыг даалгах тухай бие даасан шаардлагыг бүхэлд нь хэрэгсэхгүй болгосон. ДАВЖ ЗААЛДАХ ШАТ: Хариуцагчийн итгэмжлэгдсэн төлөөлөгч анхан шатны шүүхийн шийдвэрийг эсэргүүцэж, тухайн актын үндэслэл болсон хуулийн заалт нь нэхэмжлэгч нарын газар эзэмших эрхийн гэрчилгээг хүчингүй болгоход хамаарахгүй, нэхэмжлэгч нарт газар эзэмших эрх олгохдоо иргэдийн амьдарч буй газарт давхцуулан олгосон нь хуулийг зөрчсөн гэх үндэслэлээр гаргасан.

ҮНДЭСЛЭЛ: Давж заалдах шатны шүүхээс анхан шатны шүүхийн шийдвэр хууль ёсны бөгөөд үндэслэл бүхий байх шаардлагыг хангасан гэж үзэж, хариуцагчийн гомдлыг хангахгүй орхисон. Үүнд, нэхэмжлэгч нарт газар эзэмших эрх олгохдоо иргэдийн амьдарч байгаа газарт давхцуулан эзэмших эрх олгосон нь Газрын тухай хуулийн 21 дүгээр зүйлийн 21.2.3, 21.2.4 дэх заалтыг зөрчсөн гэх үндэслэлээр анхан шатны шүүхийн шийдвэрийг хүчингүй болгож, давж заалдах гомдлыг хангах боломжгүй гэж үзсэн.