Тогтоол №671

ХЭРГИЙН ТАНИЛЦУУЛГА: Нэхэмжлэгч нь 2003 оноос хойш оршин суудаг газраа 2015 онд эзэмших эрх авсан. Гуравдагч этгээдийн газар эзэмших болон өмчлөх эрхийн захирамжууд нь нэхэмжлэгчийн байшинтай давхцсан тул уг захирамжуудын давхцсан хэсгийг хүчингүй болгуулахаар нэхэмжилжээ. Маргаан бүхий газрын хэмжээг үндэслэлгүй нэмэгдүүлсэн, давхцалтай байхад эрх шилжүүлж, өмчлүүлсэн нь маргааны үндэслэл болсон.

АНХАН ШАТ: Нэхэмжлэгчийн нэхэмжлэлийг бүхэлд нь хангаж, гуравдагч этгээдэд хамаарах, нэхэмжлэгчийн байшинтай давхцсан 78.2 м.кв талбайг хамарсан захирамжуудын холбогдох хэсгүүдийг хүчингүй болгосон. Газрын тухай хуулийн 31.3, 61.1, Монгол Улсын иргэнд газар өмчлүүлэх тухай хуулийн 21.1-д заасныг үндэслэсэн.

ДАВЖ ЗААЛДАХ ШАТ: Гуравдагч этгээдийн итгэмжлэгдсэн төлөөлөгч давж заалдах гомдолдоо, өөрийн эзэмшилд байгаа газар хууль ёсны дагуу шилжиж ирсэн, нэхэмжлэгч нь бусдын газар дээр хууль бусаар байшин барьсан тул анхан шатны шүүхийн шийдвэрийг хүчингүй болгохыг хүссэн. Давж заалдах шатны шүүх анхан шатны шүүхийн шийдвэрийг хэвээр үлдээж, гуравдагч этгээдийн гомдлыг хангахгүй орхисон.

ҮНДЭСЛЭЛ: Шүүх, нэхэмжлэгч нь маргаан бүхий газарт 2003 оноос хойш амьдарч, 2015 онд тухайн газарт эзэмших эрх авсан нь нотлогдсон. Засаг дарга нар гуравдагч этгээдэд газар эзэмшүүлэх, өмчлүүлэх захирамж гаргахдаа, тухайн газар нь бусдын эзэмшиж, ашиглаж буй газартай давхцаж буй эсэхийг шалгаж тодруулаагүй нь Газрын тухай хуулийн 31.3, Монгол Улсын иргэнд газар өмчлүүлэх тухай хуулийн 21.1-д заасныг зөрчсөн. Иймд эдгээр захирамжууд нь нэхэмжлэгчийн эрх, хууль ёсны ашиг сонирхлыг хөндсөн хэмээн үзэж, анхан шатны шүүхийн шийдвэрийг хууль ёсны гэж дүгнэсэн.