Тогтоол №4913

ХЭРГИЙН ТАНИЛЦУУЛГА: "М" ХХК нь НЗД-ын захирамжаар тус компанид хамаарах хэсгийг хүчингүй болгосныг эс зөвшөөрч маргажээ. АНХАН ШАТ: Анхан шатны шүүх "М" ХХК-ийн нэхэмжлэлийг бүхэлд нь хэрэгсэхгүй болгож, газрын хэвлий ашиглах эрхийг нь дуусгавар болгосон захиргааны актын зарим хэсгийг хүчингүй болгуулах шаардлагыг хангаагүй. ДАВЖ ЗААЛДАХ ШАТ: Нэхэмжлэгч нь анхан шатны шүүхийн шийдвэрийг үндэслэлгүй хэмээн үзэж, үйл ажиллагаа явуулах боломжгүй болсон нь өөрийн буруу биш, харин байгаль орчны хамгаалалтын бүс, бусад зохицуулалттай давхцал зэргээс шалтгаалсан гэж гомдол гаргав.

ҮНДЭСЛЭЛ: Давж заалдах шатны шүүхээс хариуцагч захиргааны байгууллага нь нэхэмжлэгчийн үйл ажиллагаа явуулах боломжгүй болсон үндэслэл, тусгай зөвшөөрлийн талбайн давхцал болон түүнийг шийдвэрлэх оролдлогыг хангалттай тогтоогоогүй, Захиргааны ерөнхий хуулийн шаардлагыг хангаагүй гэж дүгнэлээ. Нийслэлийн иргэдийн Төлөөлөгчдийн Хурлын болон Засгийн газрын тогтоолоор тогтоогдсон усны хамгаалалтын бүстэй давхцаж байгаа болон бусад хязгаарлалтын улмаас нэхэмжлэгчээс үйл ажиллагаа явуулах боломжгүй болсон нөхцөл байдлыг харгалзан үзэж, хариуцагчаас дахин шинэ акт гаргах хүртэл маргаан бүхий захирамжийн хэрэгжилтийг түдгэлзүүлэх нь зүйтэй гэж үзэв.