Тогтоол №4012

ХЭРГИЙН ТАНИЛЦУУЛГА: "Ж" ХХК нь ашигт малтмалын хайгуулын тусгай зөвшөөрөл бүхий газарт улсын тусгай хамгаалалт тогтоогдсон тул үйл ажиллагаа явуулах боломжгүй болсон нөхцөл байдлыг тогтоолгож, хариуцагч Ашигт малтмал, газрын тосны газрын холбогдох үүргээ биелүүлээгүй эс үйлдэхүйг хууль бус болохыг тогтоолгох, нөхөх олговортой холбоотой асуудлыг шийдвэрлүүлэхийг даалгах шаардлага гаргасан. АНХАН ШАТ: Ашигт малтмалын тухай хууль болон Зарим газар нутгийг улсын тусгай хамгаалалтад авах тухай УИХ-ын тогтоолоор тусгай зөвшөөрөл бүхий газарт үйл ажиллагаа явуулах боломжгүй болсон эрх зүйн байдлыг тогтоолгох, хариуцагчийн эс үйлдэхүйг хууль бус болохыг тогтоон, холбогдох журмын дагуу шийдвэрлэхийг даалгаж шийдвэрлэсэн. ДАВЖ ЗААЛДАХ ШАТ: Хариуцагч нь анхан шатны шүүхийн шийдвэрийг эс зөвшөөрч, Ашигт малтмалын тухай хуулийн 9 дүгээр зүйлийн 9.1.13-т заасныг Засгийн газар хэрэгжүүлэхээр хуульчилсэн тул шийдвэрийг хүчингүй болгож, нэхэмжлэлийг хэрэгсэхгүй болгуулах гомдол гаргасан. Давж заалдах шатны шүүх хариуцагчийн гомдлын зарим хэсгийг хангаж, шийдвэрт өөрчлөлт оруулсан.

ҮНДЭСЛЭЛ: Улсын тусгай хамгаалалтад авсан газарт үйл ажиллагаа явуулах боломжгүй болсон нөхцөл байдлыг тогтоосон хэсэгт хариуцагч гомдол гаргаагүй. Харин хариуцагчийн эс үйлдэхүйг хууль бус болохыг тогтоон, шийдвэрлэхийг даалгасан хэсэгт холбогдох хуулийн зохицуулалт, хариуцагчийн чиг үүрэг, тусгай зөвшөөрөл эзэмшигчийн хүсэлт болон холбогдох байгууллагын удаан хугацааны хариу өгөөгүй байдал зэргийг үндэслэн хариуцагчийн гомдлыг хангаж, анхан шатны шүүхийн шийдвэрт найруулга зүйн өөрчлөлт оруулсан.