Тогтоол №3722

ХЭРГИЙН ТАНИЛЦУУЛГА: Дулааны гэрээг илт хууль бус болохыг тогтоолгож, гүйцэтгээгүй үйлчилгээний төлбөрт учирсан хохирол гаргуулах тухай нэхэмжлэл. АНХАН ШАТ: Нэхэмжлэлийн шаардлагыг бүхэлд нь хэрэгсэхгүй болгосон. Захиргааны ерөнхий хуулийн 55.1.3, 55.1.4-т заасныг баримтлав. ДАВЖ ЗААЛДАХ ШАТ: Анхан шатны шүүх хуулийг буруу тайлбарлаж, нотлох баримтыг бүрэн үнэлээгүй, хохирлын үнэлгээ хийлгэх хүсэлтийг хангаагүй гэж гомдол гаргасан. Гэрээг баталгаажуулахад Засаг даргын эрх байхгүй, хууль бусаар эрхийг хязгаарласан гэж үзсэн. ҮНДЭСЛЭЛ: Дулааны гэрээг орон нутгийн Засаг дарга баталгаажуулсан нь эрх хэмжээнд хамаарахгүй асуудал биш. Төсвийн тухай хууль, Засаг захиргаа, нутаг дэвсгэрийн нэгж, түүний удирдлагын тухай хууль, Эрчим хүчний тухай хуулиар Засаг даргын эрчим хүчний хангамжийн талаархи бодлого боловсруулах, хэрэгжүүлэх үүрэг тодорхойлогдсон. Гэрээнд эрх зүйн үр дагавар үүссэн, гэрээний хугацаа дууссан нь тогтоогдсон тул гэрээг илт хууль бус гэж үзэх үндэслэлгүй. Хохирлын хэмжээг тогтоох нь нэхэмжлэгчийн үүрэг бөгөөд шинжээч томилуулах шаардлага үүсээгүй.