Тогтоол №3666

ХЭРГИЙН ТАНИЛЦУУЛГА: "Ч..." ХХК нь Эрүүл мэндийн яамнаас олгосон импортын лицензтэй холбогдуулан улсын байцаагчийн гаргасан шийтгэлийг хүчингүй болгуулах шаардлага гаргасан. АНХАН ШАТ: "Ч..." ХХК-ийн гомдлыг хэрэгсэхгүй болгож, улсын байцаагчийн шийтгэлийг хэвээр үлдээсэн. ДАВЖ ЗААЛДАХ ШАТ: Гомдол гаргагч нь улсын байцаагч нь хуулийн үндэслэл, журмыг зөрчиж, нэг талыг барьж шийдвэрлэсэн, техникийн алдааг хуулийн этгээдийг төлөөлөн ашиг сонирхлын төлөө зөрчил үйлдсэн гэж дүгнэсэн, бусад шаардлагатай баримтыг шалгаагүй гэж үзсэн.

ҮНДЭСЛЭЛ: Хуулийн этгээдийн албан тушаалтан хилийн боомтоор нэвтрүүлэхэд үйлдвэрлэгчийн нэрийг буруу мэдүүлсэн нь Зөрчлийн тухай хуулийн 6.6 дугаар зүйлийн 2-т заасныг зөрчсөн болох нь тогтоогдсон. Лиценз авахад шаардлагатай бичиг баримтын үнэн зөв байдлыг хариуцах нь хуулийн этгээдийн үүрэг. Зөрчлийн хэрэг хянан шийдвэрлэх ажиллагаанд төлөөлөх эрхтэй холбоотой журмыг зөрчөөгүй, мөн зөрчил үйлдэхэд ашигласан эд зүйл, хэрэгслийг хураан авч улмаар торгох шийтгэл ногдуулах нь хуульд нийцсэн.