Тогтоол №3438

ХЭРГИЙН ТАНИЛЦУУЛГА: Газар эзэмших эрхийн гэрчилгээ болон түүнийг сунгахтай холбоотой маргаан. АНХАН ШАТ: Нэхэмжлэлийн шаардлага хэрэгсэхгүй болгосон. Газрын тухай хуулийн 21.2.3-т заасны дагуу нэхэмжлэгчийн газарт шинээр эрх олгохгүй, эрх сунгахгүй байгаа нь хууль бус болохыг тогтоолгох, эрх олгохыг даалгах нэхэмжлэлийг хэрэгсэхгүй болгосон. ДАВЖ ЗААЛДАХ ШАТ: Нэхэмжлэгчийн өмгөөлөгч анхан шатны шийдвэрийг эс зөвшөөрч, гомдол гаргасан. Газрын эзэмших эрхийг анх олгоход инженерийн шугам сүлжээ байхгүй байсан, шүүх хуралдааны үед шугам сүлжээтэй болсон, энэ нь эрх хэмжээг нийслэлийн Засаг даргад шилжүүлсэн, гэвч нэхэмжлэгч үүнийг мэдэхгүй байсан, нэхэмжлэгчийн эрх хууль ёсны ашиг сонирхол зөрчигдсөн, төлөвлөгөөнд тусгаагүй гэдгийг үндэслэлгүй гэж үзэж, шийдвэрийг хүчингүй болгож, нэхэмжлэлийг бүхэлд нь хангахыг хүссэн.

ҮНДЭСЛЭЛ: Маргаан бүхий газар нь инженерийн шугам сүлжээний хамгаалалтын зурвас газарт давхцалтай болох нь тогтоогдсон. Газрын тухай хуулийн 21.2.3-т заасны дагуу инженерийн шугам сүлжээ бүхий газарт газар эзэмшүүлэх, ашиглуулах асуудлыг нийслэлийн Засаг дарга шийдвэрлэнэ. Хүсэлт гаргасан газар нь нийслэлийн иргэдийн Төлөөлөгчдийн Хурлаас баталсан 2019 оны газар зохион байгуулалтын төлөвлөгөөнд тусгагдаагүй тул газар эзэмшүүлэх боломжгүй гэсэн хариуцагч нийслэлийн Засаг даргын шийдвэр хуулийн заалттай нийцсэн. Нэхэмжлэгч дүүргийн Засаг даргаас эрх хэмжээний асуудал гэсэн хариу аваад эрх бүхий байгууллагад хандаагүй, газар эзэмших эрхийг баталгаажуулаагүй тул нэхэмжлэгчийн газар эзэмших эрх дуусгавар болоогүй гэх гомдол үндэслэлгүй гэж үзэж, анхан шатны шүүхийн шийдвэрийг хэвээр үлдээсэн.