Тогтоол №3384

ХЭРГИЙН ТАНИЛЦУУЛГА: Компанийн газраа ашиглах эрхийг дуусгавар болгосон тушаалыг илт хууль бус болохыг тогтоолгохоор нэхэмжилжээ. АНХАН ШАТ: Компанийн нэхэмжлэлийг хэрэгсэхгүй болгосон. ДАВЖ ЗААЛДАХ ШАТ: Компанийн газраа ашиглах эрхийг дуусгавар болгосон үндэслэл нь хууль бус, хуулийн зөрчлийг залруулсан гэх байдлаар дүгнэсэн нь үндэслэлгүй, тэгш байдлын зарчим зөрчигдсөн, гэрээний үүргээ биелүүлсэн, шүүх хуралдаанд гаргасан тайлбарыг үгүйсгэсэн, хариуцагч газар ашиглах эрхийг шууд дуусгавар болгосон, өөр этгээдэд газар олгосон, анхан шатны шүүх нотлох баримтыг бүрэн цуглуулж, дүгнэлт хийгээгүй нь хууль зөрчсөн гэж үзэн шийдвэрийг хүчингүй болгож, хэргийг дахин хэлэлцүүлэхээр буцаажээ. ҮНДЭСЛЭЛ: Газар ашиглах эрхийг нь хүчингүй болгосон үндэслэл нь бодитоор нотлогдоогүй, газар ашиглах эрхийг нь дуусгавар болгосноор бусдад газар олгосон эсэх, тэгш байдлын зарчим зөрчигдсөн эсэх талаар анхан шатны шүүх дүгнэлт хийгээгүй, хариуцагч гаргасан тайлбартаа нэхэмжлэгчээс зөрчил гараагүй гэдгийг хүлээн зөвшөөрсөн байтал тушаал гаргасан нь Захиргааны ерөнхий хуулийн 47 дугаар зүйлийн 47.1.6-д заасан үндэслэлгүй хийсэн акт болсон, тухайн газрыг өөр этгээдэд олгосон эсэх нь хэргийн шийдвэрлэлтэд нөлөөлөх байсан хэмээн үзэж, анхан шатны шүүхийн шийдвэрийг хүчингүй болгож, хэргийг дахин хэлэлцүүлэхээр буцаажээ.