Тогтоол №3340

ХЭРГИЙН ТАНИЛЦУУЛГА: Санхүүгийн зохицуулах хороо нь "Н л" ХХК-д эрх бүхий албан тушаалтны үйл ажиллагаанд саад учруулсан, шаардлагыг биелүүлээгүй гэх үндэслэлээр Зөрчлийн тухай хуулийн дагуу 1,000,000 төгрөгийн шийтгэл ногдуулсан. АНХАН ШАТ: Анхан шатны шүүхээс "Н л" ХХК-ийн гомдлыг хангаж, Санхүүгийн зохицуулах хорооны ногдуулсан шийтгэлийг хүчингүй болгож, төлсөн улсын тэмдэгтийн хураамжийг буцаан олгохоор шийдвэрлэсэн. ДАВЖ ЗААЛДАХ ШАТ: Хариуцагч тал анхан шатны шүүхийн шийдвэрийг эс зөвшөөрч, компани нь хууль ёсны шаардлагад саад учруулсан, мэдүүлэг өгөхөөс татгалзсан үйлдлүүд нь Зөрчлийн тухай хуульд заасан хариуцлагад хамаарна гэж үзэн гомдол гаргасан.

ҮНДЭСЛЭЛ: Давж заалдах шатны шүүхээс прокурорын зөвшөөрлөөр хийхээр байсан үзлэгт компаниас саад учруулсан үйлдлийг Зөрчлийн тухай хуулийн 15.2 дугаар зүйлийн 1.1, 1.3-т заасан зөрчилд тооцох үндэслэлтэй гэж үзсэн. Гэсэн хэдий ч, Зөрчлийн тухай хуулийн 15.2 дугаар зүйлийн 1.3-т заасан хуулийн этгээдийг торгох хэмжээ нь 500 нэгж байхад 1000 нэгжээр торгосон нь хуульд зааснаас хэтэрсэн тул шийтгэлийн хэмжээг бууруулж, анхан шатны шүүхийн шийдвэрт өөрчлөлт оруулсан.