Тогтоол №3188

ХЭРГИЙН ТАНИЛЦУУЛГА: Эрх бүхий байгууллагын зөвшөөрөлгүй газар ашигласан зөрчлийг шийтгэсэн улсын байцаагчийн шийтгэлийг анхан шатны шүүх хүчингүй болгожээ. Хариуцагч нь хохирол, нөхөн төлбөрийн хэмжээг тогтоох журам байхгүй, хуулийн заалтыг нэг мөр хэрэгжүүлэх зорилготой байснаа дурдаж гомдол гаргасан. АНХАН ШАТ: Зөрчлийн тухай хуулийн 8.1 дүгээр зүйлийн 10, 4.3 дугаар зүйлийн 1, Зөрчил шалган шийдвэрлэх тухай хуулийн 7.1 дүгээр зүйлийн 4-т заасныг баримтлан улсын байцаагчийн шийтгэлийг хүчингүй болгосон. ДАВЖ ЗААЛДАХ ШАТ: Анхан шатны шүүхийн шийдвэр хууль ёсны бөгөөд үндэслэл бүхий байх шаардлагыг хангаагүй гэж дүгнээд, хэргийг дахин хэлэлцүүлэхээр буцаасан. Зөрчлийн тухай хуульд заасан албадлагын арга хэмжээ хэрэглэх эсэхийг тогтоохдоо зөрчлийн шинж байдал, хохирол учирсан эсэхийг харгалзах нь зүйтэй. Газар ашиглалтын улмаас хохирол учирсан эсэхийг тогтоох нь албадлагын арга хэмжээ хэрэглэхэд чухал ач холбодолтой. ҮНДЭСЛЭЛ: Шүүх хуулиар тогтоосон хэрэг хянан шийдвэрлэх ажиллагааны журам зөрчсөн байж болзошгүй, нотлох баримтыг бүрэн цуглуулан үнэлээгүй гэж үзсэн. Хохирол, нөхөн төлбөр тогтоох журам байхгүй нь албадлагын арга хэмжээ хэрэглэхээс татгалзах үндэслэл болохгүй.