Тогтоол №3067

ХЭРГИЙН ТАНИЛЦУУЛГА: Ахлагч Д.Н-г албанаас халах тухай цагдаагийн даргын тушаалыг хүчингүй болгож, ажлын байранд нь эгүүлэн тогтоож, цалин хөлсийг нь гаргуулах тухай нэхэмжлэл гаргажээ. АНХАН ШАТ: Нэхэмжлэлийг хангаж, цагдаагийн даргын албанаас халах тушаалыг хүчингүй болгож, албанд нь эгүүлэн тогтоож, цалин хөлсийг нь гаргуулах шийдвэр гаргажээ. ДАВЖ ЗААЛДАХ ШАТ: Хариуцагч нь нэхэмжлэгчийн үйлдсэн зөрчил нь Төрийн албаны тухай хуулийн 37.1.1, 37.1.7-д заасныг зөрчсөн, энэ нь алба хаагчийн ёс зүйн дүрэм, засаг захиргааны хуулийг зөрчсөн байхад анхан шатны шүүх шийдвэрээ хууль ёсны болон үндэслэлтэй гаргаагүй, шийтгэл ногдуулахдаа зөрчлийн шинж байдал, хор уршгийг харгалзаагүй гэж гомдол гаргажээ. ҮНДЭСЛЭЛ: Анхан шатны шүүхийн шийдвэрийг хэвээр үлдээж, давж заалдах гомдлыг хангахгүй орхисон. Цагдаагийн алба хаагчийн ёс зүйн дүрэм шинэчлэгдсэн бөгөөд шийтгэл ногдуулахдаа зөрчлийн шинж байдал, хор уршиг, давтагдах байдлыг харгалзан сонгох боломжтой. Нэхэмжлэгчийн үйлдсэн зөрчилд хүнд хор уршиг учраагүй, анх удаа үйлдсэн, хувийн байдлыг харгалзсан нь хүнлэг ёсны зарчим, хүний нөөцийн бодлогод нийцнэ. Давж заалдах шатны шүүх хуралдаанд нэхэмжлэгч удаа дараа зөрчил гаргасан талаар нотлох баримтгүй байсан.