Тогтоол №2784

ХЭРГИЙН ТАНИЛЦУУЛГА: Хуулийн этгээдүүд байгалийн нөөц ашигласны төлбөр, хураамжийг хуульд зааснаас илүү хэмжээгээр төлсөн нь илт хууль бус захиргааны акт болохыг тогтоолгон, учирсан хохирлыг гаргуулахаар нэхэмжилжээ. АНХАН ШАТ: Нэхэмжлэлийн шаардлагыг бүхэлд нь хэрэгсэхгүй болгож, улсын тэмдэгтийн хураамжийг орон нутгийн төсөвт үлдээж, нэхэмжлэгч “А н” НҮТББ-ын улсын тэмдэгтийн хураамжийн төлбөрийг буцаан олгохоор шийдвэрлэжээ. ДАВЖ ЗААЛДАХ ШАТ: Нэхэмжлэгч нар анхан шатны шүүхийн шийдвэрийг хууль ёсны болон үндэслэл бүхий байх шаардлагыг хангаагүй хэмээн үзэж, Засгийн газрын тогтоолоор тогтоосон хэмжээ нь хуульд заасан хэмжээнээс бага байсан тул гэрээний дагуу төлбөр хураамж төлөх нь үндэстэй байсан тул шийдвэрийг бүхэлд нь эс зөвшөөрч гомдол гаргав. ҮНДЭСЛЭЛ: Байгалийн нөөц ашигласны төлбөр, улсын тэмдэгтийн хураамжийн хэмжээг холбогдох хуулиуд болон Засгийн газрын тогтоолоор тогтоосон байдаг. Засгийн газрын тогтоолоор тогтоосон хэмжээ нь хуулиар тогтоосон хязгаарт багтааж тогтоосон байх тул уг тогтоолыг үндэслэн төлбөр хураамж төлөхөөр байгуулсан гэрээ нь хуульд нийцсэн байна. Хуулиар тогтоосон төлбөр, хураамжийн хэмжээг Засгийн газрын тогтоолоор өөрчлөн тогтоосон байсан ч эрх зүйн хэм хэмжээний эрэмбэ, хууль хэрэглээний зарчмын хувьд шүүх нэхэмжлэлийг хангаж чадахгүй. Давж заалдах шатны шүүхээс анхан шатны шүүхийн шийдвэрийг хэвээр үлдээж, нэхэмжлэгчийн гомдлыг хангахгүй орхижээ.