Тогтоол №2747

ХЭРГИЙН ТАНИЛЦУУЛГА: Нэхэмжлэгч нь Боловсрол, соёл, шинжлэх ухаан, спортын яамны Санхүү хяналт шалгалтын улсын ахлах байцаагч, дотоод аудиторын гаргасан актуудыг илт хууль бус болохыг тогтоолгохоор нэхэмжилжээ. АНХАН ШАТ: Захиргааны ерөнхий хуулийн 40.2, 40.3, 47.1, Төрийн хяналт шалгалтын тухай хуулийн 31.1, 4.1, 5.2, 5.4, 5.7, 53.1, 53.2, 14.2-т заасныг үндэслэн актуудыг илт хууль бус болохыг тогтоожээ. ДАВЖ ЗААЛДАХ ШАТ: Хариуцагчийн өмгөөлөгч анхан шатны шүүхийн шийдвэрийг эс зөвшөөрч, актууд нь утга агуулгын илэрхий алдаатай, хууль бус болох нь тогтоогдоогүй, Захиргааны ерөнхий хуулийн 47.1.1, 47.1.6-д заасан үндэслэл байхгүй тул шийдвэрийг хүчингүй болгож, нэхэмжлэлийг хэрэгсэхгүй болгуулахаар гомдол гаргасан. ҮНДЭСЛЭЛ: Давж заалдах шатны шүүхээс анхан шатны шүүхийн шийдвэрийг хүчингүй болгон, нэхэмжлэлийг бүхэлд нь хэрэгсэхгүй болгосон. Шүүх нь акт гаргах үйл ажиллагааны хууль ёсны байдал, шалгалтын төрөл, хамрах хүрээ, Захиргааны ерөнхий хуулийн 47.1-д заасан илт хууль бус байдлын шинжүүд, Төрийн хяналт шалгалтын тухай хуулийн холбогдох зүйл заалтуудыг хэрэглэж дүгнэлт хийсэн.