Тогтоол №2264

ХЭРГИЙН ТАНИЛЦУУЛГА: “С” ХХК нь тусгай зөвшөөрлийн төлбөр төлснийг бүртгэхгүй байгаа хариуцагчийн эс үйлдэхүйг хууль бус болохыг тогтоож, төлбөр төлснийг бүртгэхийг даалгах, мөн шийдвэрийн холбогдох хэсгийг хүчингүй болгуулахаар нэхэмжилсэн. АНХАН ШАТ: Ашигт малтмалын тухай хуулийн 56.3, 56.4, Захиргааны ерөнхий хуулийн 4, 24 дүгээр зүйлийг баримтлан нэхэмжлэлийн шаардлагыг бүхэлд нь хангаж, хариуцагчийн эс үйлдэхүйг хууль бус болохыг тогтоож, төлбөр төлснийг бүртгэхийг даалгасан. ДАВЖ ЗААЛДАХ ШАТ: Хариуцагч анхан шатны шүүх хуулийг буруу тайлбарлаж хэрэглэсэн, тусгай зөвшөөрөл цуцлагдах үндэслэл бүрдсэн, төлбөр төлсөн нотлох баримтыг ирүүлээгүй гэж үзэн анхан шатны шүүхийн шийдвэрийг хүчингүй болгуулах гомдол гаргасан. Шүүх нотлох баримтын шаардлага хангахгүй бичмэл баримтыг үнэлж дүгнэсэн, нотлох баримтыг дутуу бүрдүүлж дүгнэлт хийсэн тул анхан шатны шүүхийн шийдвэрийг хүчингүй болгож, хэргийг дахин хэлэлцүүлэхээр буцаасан.

ҮНДЭСЛЭЛ: Анхан шатны шүүх нь хүндэтгэн үзэх шалтгаантай холбоотой нотлох баримтын шаардлага хангахгүй эмнэлгийн магадлагаа, эмнэлгийн хуудсыг шүүхийн шийдвэрийн үндэслэл болгосон, нотлох баримтыг дутуу бүрдүүлж дүгнэлт хийсэн нь Захиргааны хэрэг шүүхэд хянан шийдвэрлэх тухай хуулийн 34.5, 38.1, 38.2 дугаар зүйлд заасныг зөрчсөн байна.