Тогтоол №2161

ХЭРГИЙН ТАНИЛЦУУЛГА: "М" ХХК нь Байгаль орчин, аялал жуулчлалын сайдын газар ашиглах эрхийг цуцалсан тушаалыг эс зөвшөөрч, эрхээ сэргээлгэхээр нэхэмжилжээ. АНХАН ШАТ: "М" ХХК-ийн нэхэмжлэлийг бүхэлд нь хэрэгсэхгүй болгосон. Тусгай хамгаалалттай газар нутгийн тухай хууль, Газрын тухай хуулийн холбогдох заалтуудыг үндэс болгосон. ДАВЖ ЗААЛДАХ ШАТ: Нэхэмжлэгчийн итгэмжлэгдсэн төлөөлөгч нь анхан шатны шүүхийн шийдвэрийг эс зөвшөөрч, сайдын тушаал хуульд нийцээгүй, мэдээлэл өгөөгүй, эрх бус этгээд шийдвэр гаргасан, үйл ажиллагааг буруу үнэлсэн зэрэг үндэслэлээр гомдол гаргасан.

ҮНДЭСЛЭЛ: Компанийн газар ашиглах эрхийн гэрчилгээ нь Газрын тухай хуулийн 40.1.5, 40.1.6-д заасан үндэслэл буюу гэрээний дагуу газрыг 2 жил дараалан ашиглаагүй, газрын төлбөрийг хугацаанд нь төлөөгүй гэсэн үндэслэлээр цуцлагдсан нь хуульд нийцсэн. Байгаль орчны асуудал эрхэлсэн төрийн захиргааны төв байгууллага газар ашиглах эрхийг цуцлах шийдвэр гаргах эрхтэй. Компанийн газар ашиглах үүргээ биелүүлээгүй тул эрх, ашиг сонирхол зөрчигдөөгүй.