Тогтоол №1961

ХЭРГИЙН ТАНИЛЦУУЛГА: Ашиглалтын тусгай зөвшөөрөл хүссэн өргөдлийг хуульд заасан хугацаанд шийдвэрлээгүй нь хууль бус үйлдэл болохыг тогтоолгож, тусгай зөвшөөрөл олгохыг даалгах тухай нэхэмжлэл гаргасан. АНХАН ШАТ: Ашигт малтмал, газрын тосны газрын Кадастрын хэлтсийн эс үйлдэл нь хууль бус болохыг тогтоож, ашиглалтын тусгай зөвшөөрөл олгохыг даалгасан. Ашигт малтмалын тухай хуулийн 26.3, 26.3.2. ДАВЖ ЗААЛДАХ ШАТ: Хариуцагч нь анхан шатны шүүхийн шийдвэрийг эс зөвшөөрч, талбайн хэмжээг багасгах шаардлагаас болж хугацаа алдсан, улс төрийн нөлөө зэрэг шалтгаанаар шийдвэр гарах ажиллагаа хойшилсон гэж гомдол гаргасан. ҮНДЭСЛЭЛ: Хариуцагч нь нэхэмжлэгчийн өргөдлийг хүлээн авснаас хойш хуулийн хугацаанд шийдвэрлээгүй, татгалзах үндэслэл тогтоогдоогүй байхад хариу өгөөгүй нь хууль зөрчсөн үйлдэл гэж үзэв. Улсын Их Хурлын сонгууль, агентлагийн удирдлагын өөрчлөлт зэрэг нь хугацаа алдах үндэслэл болохгүй.