Тогтоол №1943

ХЭРГИЙН ТАНИЛЦУУЛГА: Нэхэмжлэгч нь цагдаагийн албан хаагчийг албан тушаалдаа хайнга хандсан үндэслэлээр халах, цол хураах сахилгын шийтгэлийг эс зөвшөөрч, тушаалыг хүчингүй болгож, ажилд эгүүлэн тогтоолгох, алдагдал гарсан цалинг нөхөн олгохыг шаардсан. АНХАН ШАТ: Сахилгын зөрчлийн шинж байдал, үндэслэлийг харгалзан үзэж, Төрийн албаны тухай хууль, Цагдаагийн албаны тухай хуулийг зөрчсөн гэх үндэслэлээр ногдуулсан сахилгын шийтгэлийг хуульд нийцсэн, нэхэмжлэгчийн эрх ашгийг хөндөөгүй гэж үзэн нэхэмжлэлийг бүхэлд нь хэрэгсэхгүй болгосон. ДАВЖ ЗААЛДАХ ШАТ: Нэхэмжлэгчийн өмгөөлөгч нь шийтгэл хэтэрхий хүнд, Эрүүгийн хэрэг хянан шийдвэрлэх тухай хуулийн дагуу хэргийг хэрэгсэхгүй болгох санал прокурорт хүргүүлснийг нь сахилгын зөрчил гэж үзэн шийтгэл ногдуулсан нь хууль бус, албан тушаалдаа хайнга хандсан үйлдлийг гэмт хэрэг гэж үзээд байхад сахилгын зөрчил гаргасан гэж үзэх нь үндэслэлгүй гэж гомдол гаргасан. Давж заалдах шатны шүүх анхан шатны шүүхийн шийдвэрийг өөрчлөх, хүчингүй болгох үндэслэлгүй гэж үзэн хэвээр үлдээсэн.

ҮНДЭСЛЭЛ: Албан үүргээ биелүүлээгүй, Төрийн албаны тухай хуулийн холбогдох зүйл заалтыг зөрчсөн байдал нь тогтоогдсон, сахилгын шийтгэлийг зөрчлийн шинж байдал, хэмжээнд тохируулан ногдуулсан, Прокурорын газраас Эрүүгийн хэрэг үүсгэхээс татгалзсан нь сахилгын зөрчил үгүй болсноос бус, албан үүрэгтээ хайнга хандсанаас хүнд хор уршиг учираагүй гэж үзсэн тул сахилгын шийтгэлийг хүчингүй болгох үндэслэл болоогүй байна.