Тогтоол №1923

ХЭРГИЙН ТАНИЛЦУУЛГА: Төрийн байгууллага өөрчлөн байгуулагдах, зохион байгуулалтын бүтцэд өөрчлөлт орсон ч албан тушаалын чиг үүрэг хэвээр хадгалагдсан тохиолдолд тухайн албан тушаалд үргэлжлүүлэн ажиллуулах, эсхүл албан хаагчийн ур чадвар, туршлагыг харгалзан сонгон шалгаруулалт хийх талаарх зохицуулалтыг хэрхэн хэрэглэхтэй холбоотой маргаан. АНХАН ШАТ: Нэхэмжлэгч нарыг ажилд томилоогүй нь хууль бус болохыг тогтоон, тодорхой албан тушаалд эгүүлэн тогтоосон. ДАВЖ ЗААЛДАХ ШАТ: Хариуцагч нь ажлын байрны нэр, чиг үүрэг өөрчлөгдсөн, орон тоо байхгүй гэх үндэслэлээр анхан шатны шийдвэрийг эс зөвшөөрч, шийдвэрийг хүчингүй болгож хэргийг дахин хэлэлцүүлэхээр буцаах гомдол гаргасан. ҮНДЭСЛЭЛ: Төрийн албаны тухай хуулийн 27 дугаар зүйлийн 27.2.3-т заасны дагуу байгууллагын бүтцийн өөрчлөлтөд орсон ч албан тушаалын чиг үүрэг хэвээр хадгалагдсан бол тухайн албан хаагчийг үргэлжлүүлэн ажиллуулах, эсхүл шаардлага хангасан албан хаагчийг сонгон шалгаруулах эрхтэй. Нэхэмжлэгч нарын өмнөх ажлын байрны чиг үүрэг нь шинээр бий болсон гэж тайлбарлаж буй албан байрны чиг үүрэгтэй адил байх тул эдгээр албан тушаалд томилох боломжтой байсан. Хариуцагчаас нэхэмжлэгч нарыг томилоогүй нь хуулийн дээрх зохицуулалтыг зөрчсөн. Анхан шатны шүүх нэхэмжлэгч нарыг өмнө нь ажиллаж байгаагүй албан тушаалд эгүүлэн тогтоосон нь агуулгын хувьд нийцэхгүй тул шийдвэрийн тогтоох хэсэгт томилохыг даалгасан өөрчлөлт оруулсан.