Тогтоол №1627

ХЭРГИЙН ТАНИЛЦУУЛГА: Нэхэмжлэгч нь хайгуулын талбайтай холбоотой орон нутгийн засаг даргын байгаль орчны менежментийн төлөвлөгөөг батлахгүй байх эс үйлдлийг хууль бус болохыг тогтоолгож, 2017 оны төлөвлөгөөг батлахыг даалгах шаардлага гаргасан. АНХАН ШАТ: Нэхэмжлэлийн шаардлагыг бүхэлд нь хэрэгсэхгүй болгосон. ДАВЖ ЗААЛДАХ ШАТ: Нэхэмжлэгчийн төлөөлөгч анхан шатны шүүхийн шийдвэрийг хүчингүй болгож, нэхэмжлэлийг бүхэлд нь хангахыг хүссэн. Гомдолд шүүх нэхэмлэлийн шаардлагын хүрээнээс хэтэрсэн, хариуцагчтай холбогдолгүй асуудлаар дүгнэлт хийсэн гэж заажээ. ҮНДЭСЛЭЛ: Ашигт малтмалын тухай хуулийн зохицуулалт, орон нутгийн хамгаалалтад авах тухай тогтоолын хууль зүйн үндэслэлийг хянан үзэж, нөхөн олговрын хугацааг улсын дээд шүүхийн тогтоол хүчин төгөлдөр болсноос тоолж эхэлсэн нь зөв байна. Иймд хариуцагчийн үйлдэл хууль бус бус, менежментийн төлөвлөгөөг батлахгүй байх нь үндэслэлтэй гэж үзэн анхан шатны шүүхийн шийдвэрийг хэвээр үлдээсэн.