Тогтоол №8449

ХЭРГИЙН ТАНИЛЦУУЛГА: Тусгай зөвшөөрлийн төлбөрөө хуулийн хугацаанд төлөөгүйгээс цуцалсан шийдвэрийг хүчингүй болгож, зөвшөөрлийг сэргээлгэх тухай. Нэхэмжлэгч цар тахлын улмаас хүндэтгэн үзэх шалтгаантай байснаа, хариуцагч төлбөр төлөх хуулийн хугацаа хэтэрсэн, хаягаа мэдэгдээгүй тул мэдэгдлийг хүргүүлснээ, мөн Ковид-19-ийн үеийн хөл хорио нь төлбөр төлөхөд саад болоогүй гэж тус тус маргажээ. АНХАН ШАТ: Нэхэмжлэлийн шаардлагыг бүхэлд нь хэрэгсэхгүй болгож, тусгай зөвшөөрлийг хуулийн дагуу цуцалсан нь үндэслэлтэй гэж үзэв.

ҮНДЭСЛЭЛ: Хайгуулын тусгай зөвшөөрлийн ээлжит төлбөрийг урьдчилан төлөх хугацаа 2020 оны 11 дүгээр сарын 02, алдангийн хамт төлөх хугацаа 2020 оны 12 дугаар сарын 02-ны өдөр дуусгавар болсон. Ашигт малтмалын тухай хуулийн 31.1, 34.2, 34.7, 56.1.2-т заасны дагуу төлбөр төлөөгүй тул тусгай зөвшөөрлийг цуцалсан нь хуульд нийцсэн. Ковид-19-ийн үеийн хөл хорио нь банкны төлбөр тооцооны үйл ажиллагаанд саад болоогүй бөгөөд нэхэмжлэгчийн тайлбарласан хүндэтгэн үзэх шалтгаан тогтоогдоогүй. Хаягийн өөрчлөлтийг мэдэгдээгүй тохиолдолд хэвлэл мэдээллийн хэрэгслээр мэдээлснээс хойш ажлын 10 хоног өнгөрсний дараа актыг албан ёсоор мэдэгдсэнд тооцох тухай заалтыг баримталсан.