Тогтоол №7840

ХЭРГИЙН ТАНИЛЦУУЛГА: Нэхэмжлэгч компани нь өмнө нь олгогдсон газар эзэмших эрхийг нь хүчингүй болгосон захиргааны актын үндэслэлийг хууль бус, олон улсын стандартад нийцээгүй, мэдэгдэх, сонсох ажиллагаа хийгээгүй, бодит нөхцөл байдлыг бүрэн тогтоогоогүй гэж үзэн, хүчингүй болгуулахаар шүүхэд нэхэмжлэл гаргасан. АНХАН ШАТ: Нийслэлийн Засаг даргын газар эзэмших эрхийн гэрчилгээг хүчингүй болгох тухай захирамжийг Захиргааны ерөнхий хуулийн 4 дүгээр зүйлийн 4.2.5, 24 дүгээр зүйлийн 24.2, Газрын тухай хуулийн 2 дугаар зүйлийн 2.1, 2.2-т заасныг тус тус үндэслэн дахин шинэ акт гарах хүртэл 6 сарын хугацаагаар түдгэлзүүлж, шинэ акт гараагүй тохиолдолд хүчингүй болсонд тооцохоор шийдвэрлэв.

ҮНДЭСЛЭЛ: Шүүхээс хэргийн оролцогчдын тайлбар, нотлох баримтуудыг шинжлэн үзэхэд, захиргааны байгууллага нь газрын хэмжээг нэмэгдүүлсэн, зураг төслийг өөрчилсөн, бусдын эрхийг хөндсөн зэрэг нөхцөл байдлуудыг бүрэн тогтоогоогүй, шаардлагатай тохиолдолд шинжээчээр дүгнэлт гаргуулаагүй, Захиргааны ерөнхий хуулийн 24 дүгээр зүйлийн 24.4-т заасан үндэслэлээ нарийвчлан шинжлэн судалж, оролцогчийн ашиг сонирхлыг тогтоох үүргээ биелүүлээгүй байх тул захиргааны актыг түдгэлзүүлэх нь зүйтэй гэж үзсэн.